Gula 61
Human sa pangaon, gipadayon ni Roger ang pagtan-aw sa salida sa TV. Misulod ko sa banyo ug naligo. Gibati ko ang kahilwas sa akong kaugalingon samtang nagpatungod sa busagak sa bugnaw’ng tubig sa shower.
“Wow,” ni Roger pa dihang nigawas na ko sa banyo. “Kahumot.”
Igo lang kong mipahiyom. Gipalong ni Roger ang TV ug ako nay iyang gihatagan og pagtagad.
“Nganong gipawong man nimo ang TV?” Nagpagoryo-goryo ko.
“Mas importante ka kay sa salida sa TV,” hagawhaw ang tingog ni Roger. “Dili kabalibaran ang imong kahumot.”
Wala ko motingog. Nagkatinutokay mi si Roger. Unya mao na lay akong naamgohan nga nag-akob na ang among mga ngabil sa pinadulot nga hinagkanay. Nagtinal-opay ang among mga dila.
Pagkilab sa mga gutling, pareho na ming walay sapot. Naghayang ko nga naghigda sa ibabaw sa kama samtang gikaligoan paghalok ni Roger ang lainlaing parte sa akong lawas. Kadali rang mitaob sa akong kalawasan ang naghingapin nga sensasyon. Migahom sa akong galamhan ang kahinam. Usa ka pangandoy sa pagtagamtam sa himaya nga masinati lang pinaagi sa lawasnong panagtagbo.
Si Roger ingon sa nakamatikod sa ilhanan nga ready na ko. Nanukad dayon siya. -- Sumpayan pa