Gula 49
Nahiubos kuno siya nimo. Gikaguol niya ang imong paglikay kaniya. Bisan kuno’g giunsa niya’g panuktok, wala ka gayod kuno mangabli sa pultahan kagabii.”
Gibuhat ko kadto Nang, tungod kay dili ko gusto’g samok. Dili ko gustong masuko na usab si James kanako sa higayon nga makita mi niyang magsultihanay.”
“Ako bitaw’ng gipasabot si Allan mahitungod niana.”
“U-unya, u-unsa may iyang pu’ng?”
“Gusto kuno siyang makigsulti nimo bisan sa kataposan na lang nga higayon.”
“Alang sa unsa pa man, Nang? Nasayod na man kaha siya sa hinungdan kun nganong ako siyang gilikayan?”
“May gusto lang kuno siyang klarohon. May isulti lang siya nimo sa kataposang higayon. Gusto niyang makigsulti nimo karong gabii.”
Wala makatingog si Denia. Naglibog siya kun unsay angay niyang buhaton.
Tumani na lang si Allan sa iyang gusto, Day,” sugyot ni Nang Luding,” aron dili na siya magsamok nimo.”
“U-unya, Nang,” ni Denia pa nga mabalak-on,” tingalig makit-an na sab mi ni James? Ako nasay mabuthan?”
“Ayaw kabalaka. Tabangan ko kamo.”
“U-unsay buot mong ipasabot?”
“Aron dili makakita si James kaninyo, adto kamo magsultihanay sa sulod sa akong lawak sa servant’s quarter.
“U-unsa?” -- Sumpayan pa