Gula 21
“Wa-wa pa man,” laktod niyang tubag. “Ngano man diay? M-may isugo ka?”
“Naa unta,” ni James pa. “Actually, wa na kini labot sa imong trabaho. Pero kun mosugot ka, mamalihog lang unta ko.”
“U-unsa man unta kana?”
“M-mahimo bang magpamasahe ko nimo?”
“H-ha?”
“Kun okey ra para nimo. Pero kun dili, no obligation.”
Daklit nga naghunahuna si Denia.
“Dili man gud ko makatulog,” matud ni James. “Pero kun mamasahe ko, makatulog na tingali ko.”
“S-ige,” hukom ni Denia. “Atong masahean.”
“Sure ka?” Mora’g dili makatuo si James.
“Oo. Ngano man diay?”
“W-wa man. Okey ra ba nimo kun sa akong kuwarto ko magpamasahe nimo?”
“Oo. Nahunahuna ni Denia nga walay daotan kun sa kuwarto sa ulitawo kini niya masaheon. Gawas pa, misalig siya nga gentleman kaayo si James.
Nangadto dayon sila sa kuwarto sa ulitawo. Gitunolan siya niini’g bedtime lotion. Gisugdan dayon niya pagmasahe ang bukobuko niini sa dihang mihigda kini nga nagkulob sa kama.
“Nganong ikaw man gihapon ang naghatod sa akong pagkaon?”
Si Nang Luding, hain man diay?” -- Sumpayan pa