Gula 76
Nalipay ko sa hukom ni Fernan. Tungod sa akong kahinangop, nagakos ug nahagkan ko siya. Nga maoy nahimong pabilo sa mas mainiton namong pagpinarayganay sulod sa akong lawak.
Ang kama nga nagsangga kanamo wala makapugong sa pag-igot. Wala sab ko makapugong sa pag-agumod. Haskang kusoga diay nakong moinga kun maka-concentrate ko sa pagpakighilawas uban sa usa ka lalaki!
Kasinatian kini nga wala nako matilawi dihang gilugos ko ni Sheldon ug sa iyang mga barkada. Karon inanay nang nawagtang ang akong phobia sa sex. Kun wala ko pa kini pakigbatoki, tingalig nakagamot na kini sa akong hunahuna. Ug molambo unta ang sayop kong pagtuo nga ang sex angay kahadlokan. Salamat nga nakahunahuna ko’g inantigong stress debriefing nga mao ang pagpakighilawas nila ni Fernan ug Bredhart.
Nga nahitabo bisan walay gugma ug bisan unsang kondisyon. Taphaw ra gani ang assurance. Pero managsama kining gikalipay namo. Ug among namatud-an nga ang sex puyde diay nga iuran-uran!
Si Fernan ang mas nakapahimulos sa kahigayonan nga ikapares nako sa dula sa kama. Dili ko gustong mo-compare sa performance nila ni Fernan ug Bredhart bahin sa sex. Para nako, pareho silang naghatag nako’g sexual gratification. Managsama silang mipakita nako’g sexual generosity.
Niana dayong adlawa, gipagawas na ni Fernan si Keith gikan sa underground. Ang lawak nga tupad sa kuwarto nga akong giokupar maoy gipaokupar ni Fernan kaniya. Gipaatiman siya’g maayo ni Fernan isip usa ka bisita.
Dihang naulian na si Keith sa hingpit nga kabaskog, gisugdan dayon namo ang gimbuhaton pagtipi kang Karl Padon! -- Sumpayan pa