Gula 121
Nalipay ko pag-ayo sa gisulti ni Davon. Wala ko magdahom nga makadawat siya sa nahitabo nako-- nga dili na ko birhen nga pagka babaye. Nagpasalamat ko nga dili diay conservative og hunahuna si Davon.
Tungod sa gibati kong kahinangop sa iyang gisulti, wala ko makapugong paggakos kang Davon. Ang akong gibuhat nahimong connotation alang sa lain pang hugna sa among seksuwal nga panagtagbo.
Gipukaw ni Davon ang akong pagbati pinaagi sa init niyang mga halok. Wala sab ko magpaalkanse. Nakigtigi ko niya sa agresibong romansa. Ingon sa mibukal na ang akong dugo sa kainit sa akong lawas. Nabatyagan ko ang pagpanguyamang sa kalalim sa tibuok kong kalawasan.
Nagdungan mi’g abot sa kinapungkayan sa himaya. Namanganod ang akong tinan-awan gumikan sa kalalim nga migahom sa tibuok kong kalawasan. Sa akong pagbuka sa akong mga mata, nabatyagan ko nga may nahibilin pang tinalithi sa kalalim maong mipiyong ko’g balik.
“Ihatod na ko sa akong gipuy-an,” giingnan nako si Davon dihang inanay nang mihunas ang after glow nga akong nabatyagan.
“Areglado,” dali niyang sanong. “Pero ugma moadto gihapon ko sa imong gitrabahoan.”
“Ikaw ang mag-igo.”
Mibangon ko ug nag-ilis. Nag-ilis na sab si Davon. Pagkahuman nanggawas na mi sa mabugnaw’ng lawak sa hotel. Misakay mi sa elevator paingon sa ground floor ug nagpa-check out sa front desk. Unya miadto na mi sa basement parking area diin nahimutang ang among gisakyan.
Gidiretso na ko’g hatod ni Davon sa akong gipuy-an. Lawom nang gabii. Nagmingaw na ang balay. Ngitngit ang kuwarto. Morag nakatulog na tingali si Lotis. -- Sumpayan pa