(Gula 84)
Miabot ang kataposan sa second semester. Nasusihan sa akong mga ginikanan nga misamot ang kaubos sa nakuha kong mga grado sa akong pagtuon. Unsaon nga napasagdan man god nako ang akong pag-eskuyla gumikan kay maoy akong gihatagan og mas dakong pagtagad ang kahigal nga unodnon.
Sanglit gusto man gyud nilang Papa Augusto ug Mama Clemencia nga makahuman ko’g kurso sa kolehiyo, misugyot sila nga mo-shift na lang ko sa laing kurso. Kanang kurso nga diyotay ray subject nga mathematics. Mao man guy gihimo kong alibi nga ang akong kabugo sa math maoy hinungdan nga ubos kaayo ang akong mga grado.
Si Papa Augusto misugyot nga mo-shift ko ngadto sa kursong edukasyon. Ang gusto ni Mama Clemencia mao ang kurso nga AB English ang akong kuhaon sama sa kurso sa among silingan. Pero wala ko makagusto sa maong mga kurso. Mihukom na lang hinuon kong mag-estambay sa balay kay gibati na ko’g kalaay sa pag-eskuyla. Wala na koy ganang mopadayon sa pagtuon.
“Dili lang una ka namo pugson sa pagkakaron, Editha,” nagkanayon si Papa Augusto. “Apan kun ugaling mausab ang imong hunahuna ug makahukom kang mopadayon pag-eskuyla, ayaw pagpanuko sa pagsulti kanamo.”
“Hunahunaa ang imong kaugmaon, Editha,” giingnan sab ko ni Mama. “Hinumdomi nga dili mi gusto nga mahisama ka sa imong mga maguwang.”
Wala ko magtingog. Gihinuktokan ko ang gisulti sa akong mga ginikanan. Apan wala modatom sa akong kaisipan ang ilang mga pulong.
Kay tingbakasyon na man, kanunay ra kong naa sa balay. Usahay mokuyog ko nilang Papa ug Mama nga magbantay sa among tindahan sa downtown area sa Iriga City. Mosamot man god ang akong kahidlaw sa lawasnong kalipay kun mag-inusara ko sa balay. Kanunay kong maghunahuna bahin sa sex panahon sa akong pag-inusara maong gilingaw ko ang akong kaugalingon sa laing mga butang aron pagnaya-naya sa akong kahidlaw.
Apan ang awhag sa kaulag ingon sa dili gyud nako kapugngan. Maglisod ko pagkontrolar sa tukmod sa kahigal. Aron lang matambalan ang akong kahidlaw, nakigrelasyon ko kang Woodrow nga among silingan. Kini si Woodrow taudtaod nang akong namatikdan nga nagbaton og kaibog nako. Maong ako siyang gikasahan. Dili god mi uyab. Sex ray akong giapas niya. Mao ra sab tingali kini iyang giapas nako kay wala man ko niya pangulitawhi. Igo ra man ming nagsabot nga mag-gerger.
Diskontento gihapon ko sa performance ni Woodrow. Dili gyud siya makatambal sa hingpit sa akong kahidlaw. – Sumpayan pa