(Gula 117)
Nagpadayon ang kahapsay sa pagpuyo namo ni Dirk. Buhong mi sa among sex life. Wala nay dili kasarangang panghitabo nga mitugaw sa among pagpuyo. Nagtuo ming magdayon na ang kalinaw nga among nasinati.
Usa ka adlaw niana, nagpakuyog ko ni Dirk. Gipakigkitaan namo ang tag-iya sa bag-o lang nahuman pagtukod nga commercial building nga nahimutang sa Cebu south road. Nakigsabot ko sa tag-iya niini nga moabang ko’g usa ka commercial space sa maong building alang sa nahunahunaan kong negosyo nga flower shop.
“P12,000 ang akong paabang sa matag commercial space,” padayag sa tag-iya nga among gipakigkitaan didto mismo sa iyang residensiya.
Unya gituki namo ang lainlaing mga butang mahitungod sa akong transaksiyon. Aron pagplansa sa kasabotan, ang tag-iya nakigkuyog namo ngadto sa nahimutangan sa gipanag-iya niyang commercial building. Didto gi-finalize namo ang panagsabot.
“Maayo untag mo-click nang nahunahunaan mong negosyo, da,” matud ni Dirk dihang nagsubay na kami sa dalan paingon sa among gipuy-an.
“Nagtuo kong mosalir ni,” nako pa. “Maayo ang puwesto sa commercial building nga mao unya’y mahimutangan sa atong flower shop. Kusog ang maong matang sa negosyo kun maduol sa simbahan.”
“Unya, kanus-a man nimo sugdan ang pagbukas sa flower shop?”
“Sa labing madaling panahon. Ugma hikayon na nako ang mga papeles nga gikinahanglan sa pag-operate sa negosyo sama sa DTI registration, BIR, mayor’s permit ug uban pang mga rekisitos.”
“Sige. Kay sa sunod tuig, buksan ko na sab ang nahunahunaan kong negosyo nga security agency.”
Pagkagabii, unang nakatulog si Dirk human sa among lovemaking session. Wala madugay, nakatulog na sab ko. Nianang pagkakaadlawon, nakamatngon ko nga ingon sa gilinog ang among balay ug nangatol ang akong genitals. – Sumpayan pa