Gibilangkad mo'g maayo ang imong mga paa aron mapatara og maayo ang imong lapsanan sa dihang paspas na gyod kaayo ang pag-umpak-umpak ni Delton. Gusto mong makaayuda aron mas motidlom ang iyang penetration samtang nagkaduol na kamo sa kinapungkayan sa katagbawan. Unya mikumpayot ka sa iyang liog, Jamaica.
Unya, nabatyagan mo nga daw nanghugot ang imong kaunoran ug nanggahi ang imong mga ugat. Misamot pa gayod kapaspas ang pag-indayog ni Delton. Mihangos siya nga morag dunay gigukod. Gihugtan mo ang pagkabyon sa iyang liog aron dili ka niya mabiyaan. Tuod man, dungan sa iyang pagpabuto nakaabot ka usab sa climax.
Human sa ikaduha ninyong pagkatkat sa taluktokan sa ikapitong langit, nahikatulog mo sa sulod sa sakyanan nga inyong nahimutangan. Nagpadayon pa gihapon ang kusog nga pagbunok sa ulan. Kusog pa usab ang huros sa hangin.
Hayag na ang palibot sa dihang nahigmata kamo. Wala nay ulan. Malinawon na ang panahon. Ang adlaw misubang na didto sa sidlakan. Gidali ninyog sul-ob ang inyong mga sapot nga nalimtan ninyog sul-ob kagabii gumikan sa kalapoy sa inyong kalawasan nga inyong gibudlay pagtagay sa lawasnong kalipay.
Nanaog si Delton sa sakyanan ug giukab ang atubangang bahin niini. Iyang gisusi kun unsay depekto sa makina nga wala na man kini moandar kagabii. Dihay bahin sa makina nga iyang gitandog. Mibalik siya sa sulod sa sakyanan ug gikuha ang toolbox. Gidala niya kini sa atubangang bahin sa sakyanan aron ayohon ang depekto sa makina.
Paglabay sa pipila ka gutlo, nahuman si Delton sa iyang gibuhat. Milingkod siya sa lingkoranan atubangan sa manibela human ikapahimutang ang toolbox sulod sa sakyanan. Miandar ang makina. Ug mipadayon na kamo sa inyong biyahe pauli sa inyong lungsod. Gipaspasan ni Delton ang pagpadagan sa inyong gisakyan.
Pagkasunod adlaw, mikuyog ka na usab kang Delton, Jamaica. Nangaligo mo sa Marcelo Beach. Wala ka magdahom nga didto diay usab si Ranil sa beach niadtong higayona. Gikulbaan ka dihang miduol siya sa nahimutangan ninyo ni Delton. (Sumpayan pa)