Dihang isul-ob ko na unta ang akong underwear, kalit mibangon si Tiyo Camilo gikang naghigda sa kama ug milayog kanako. Gihagkan ko niya sa ngabil ug liog. Dayon gipugos ko niyag pahigda sa ibabaw sa kama.
"Dili na ko, Tiyo," matud ko nga mikisi-kisi. "Gikapoy na ko."
"Kausa na lang," nagkanayon si Tiyo Camilo. "Pahimuslan ta ang higayon."
Wala na sab ko makatutol sa gihimo ni Tiyo Camilo. Luyo sa pagdumili sa akong kabubut-on, giangkon na sab sa akong uyoan ang akong pagkababaye. Wala koy nahimo gawas sa pagdawat sa iyang gidul-it bisan luod kini alang nako.
Human sa iyang paglugos nako, misulod si Tiyo Camilo sa CR. Samtang didto siya sa sulod sa pansayan, nakahunahuna kong mohinok og gawas sa kuwarto aron mopauli na. Pero nahadlok kong masuko siya nako maong wala nako ihinayon ang akong nahunahunaan. Mibangon nalang kog milingkod sa ngilit sa kama.
Paggawas ni Tiyo Camilo sa CR, mipaingon siya sa gamay'ng lamesa nga nahimutang dapit sa ulohan sa kama diin gipatong ang usa ka kahang sigarilyo. Mikuha siyag usa ka stick ug gidagkotan kini. Nanigarilyo siya.
"Ugma sa buntag na lang pauli ngadto sa imong boarding house," giingnan ko niya. "Lawom nang gabii."
"Dili mahimo," matud ko. "May klase ko ugma sa 7:30."
"Wa ka nay kasakyan. Sayo na la'g mata ugma sa buntag aron dili ka ma-late."
Wala na ko motingog. Dili ko na lang supakon ang pagbuot ni Tiyo Camilo aron dili siya masuko nako. Dili ko gustog kagubot.
"Katulog na diha,'' ni Tiyo Camilo pa nga misandig sa headboard sa kama samtang nagpunay og yupyop sa sigarilyo.
Giduka nako. Pun-an pa sa kalapoy sa akong lawas tungod sa gihimong pagpahimulos ni Tiyo Camilo sa akong pagka babaye, gusto na kong mopahulay. Mihigda ko sa kama. Apan nagpadaplin ko kay dili ko gustong mahiduol ni Tiyo Camilo. Mitakilid ko sa paghigda aron matalikdan ko siya. (Sumpayan pa)