Ibabaw sa lawting sa kamalig, mipuwesto na si Mar nga nagkaub sa paghigda. Ang iyang panan-aw didto sa ubos nga hawanan sa kamalig. Ania na usab siya sa gikahinaman niyang kalingawan -- ang pagpamuso sa duha ka binuhat nga sinayuran ug gikatakda na nga kaslon sa ilang baryo, ang kinawatkawat nga panagromansa nila ni Binog ug Lita sa sulod sa kamalig.
Sa miaging adlaw, hilom nga nasakpan ni Mar ang kinawatkawat nga panagtagbo nila ni Binog ug Lita sa karaang kamalig nga atbang da gayud sa kumon nga atabay sa ilang baryo. Naatol nga nag-aguwada og tubig si Mar sa atabay. Ang pagka-aguwador og tubig maoy iyang panginabuhian sa ilang baryo, ilabi na niadtong mga suki niyang tagbalay nga anha manglaba sa ilang mga balay. Naatol gyud nga nanglaba si Lita, niadtong higayona. Diha usab si Binog nga maoy tigtimba niya og tubig sa atabay, alang sa dinaliang paglaba sa iyang sinayuran. Klaro gyud nga nadungog ang hinay'ng panagsulti sa duha ka kaslunon sa dalunggan ni Mar.
"Lita, di na ko kaantos, uy! Istrikto ug istrikta man kaayo ang imong Papa ug Mama sa akong padayon nga pagpangagad sa inyo! Di man ta padulgon magabii, kay inigkahuman na kuno sa atong kasal! Adto ta's atbang nga kamalig...!" nasiklapan ni Mar nga misenyas si Binog sa sinayuran, samtang padayon siya nga nagtimba og tubig.
"Ikaw gud! Sus, di gyud ka kaantos, ha, Binog! Tiwason lang nako'g waswas kining akong sinabunan nga linabhan. Pag-una lang didto sa sulod sa kamalig...!"
Nagdalidali og sinangay si Mar sa duha ka tarong tubig. Apan gibutang kini niya sa unahan niadtong adlawa. Ug hilom siyang namuso sa sulod sa kamalig. Ay sus, nakita gyud niya ang kinawatkawat nga romansa sa duha sa sulod sa kamalig. Ug nadungog pa gyud niya ang panagsabot sa duha, human makailis sa ilang mga sapot.
"Lit, ugma sa palis, mag-abot gihapon ta dinhi's kamalig, ha?" ni Binog nga nagpanilap nga nagsud-ong kang Lita.
"Ikaw gud, Nog! Total, kaslunon naman bitaw ta...!" ni Lita nga daw nahigalam sab sa ilang kinawatkawat nga romansa niadtong higayona.
Nagpanilap si Mar nga namuso na usab ibabaw sa lawting sa kamalig. Sa ubos, sa hawanan sa kamalig, nagtagbaw na usab sa pagromansa sila si Binog ug Lita. Nangandiis ang duha nila ka mga lubot!
Si Mar sab nga nahigalam na sa pagpamuso nga wa gyud makatilaw og pakigromansa sa usa ka babaye kay maulawon sa pagpangulitawo tungod sa iyang pagka-nawong pulos agtang, gibati sab og talagsaong kalalim. Gipalusot niya ang tutpikon niyang kargada sa siper sa iyang purol ug gilikitlikit. Apan kalit nga nahibulong si Mar nga naghayang na ibabaw sa lawting. May tibugol nga mihagtik sa iyang dughan. Pilitpilit! Nanimahong batong! Basa! Duga sa usa ka lalaki. Nagkalingilingi si Mar. May kadungan siya nga namuso niadtong higayona. Pagyahat ni Mar sa sagbayan sa kamalig, maoy nabantang sa iyang panan-aw ang gamitoy nga linalang nga nag-akin-akin sa paglingkod. Nagkupot usab kini sa daw tutpik gihapon niyang kinatawo nga padayong mipasidlit sa duga niini, tumong kang Mar.
"Duwende! Labaw pa diay'ng mamuso ang duwende!" nakatuaw si Mar sa pinugngang tingog.
"Miagik-ik ang tagming tingog sa duwende.
"Hi-hi-hi! Ikaw ray kamaong mamuso, Mar! Duha na ta nga may tutpik!"
Nakapanglingolingo si Mar. Wa gyud siya magdahom nga sa sulod sa kamalig, may duwende sab diay nga kusog mamuso. – Kataposan