DJ Durano pang MMK

Puwedeng i-develop ngadto sa usa ka episode sa Maalaala Mo Kaya ang kinabuhi ni DJ Durano. Ug si Direk Wenn Deramas, direktor sa labing ulahing movie ni DJ, Ang Cute Ng Ina Mo, nga mihakot pa hangtud karon og maayo sa takilya, mao mismo ang haom nga modirek niini. Si Direk Wenn maoy talent manager ni DJ.

Lumad nga Sugbuanon si DJ ug sakop siya sa banay''ng Durano sa Danao City.

Matud ni DJ ngadto sa PangMasa dili hayahay ang pamilyang iyang nadak-an, sayong nagbuwag ang iyang mga ginikanan, nga maoy hinungdan nganong miadto sa abroad ang iyang inahan kuyog pod silang managsoon.

Nahimong That''s Entertainment talent si DJ. Ug gi-angkon ni DJ nga daghan siyang nakat-unan kang Kuya Germs (German Moreno), producer ug host sa That''s Entertainment.

Sa That''s Entertainment nabaid ang iyang nindot nga tingog, nga napahimuslan niya karon kay nagdesisyon siyang mosulay og tekang sa recording. Ako Lang Ang Nagmahal ang title sa album ni DJ, nga naglakip og unom ka tracks unom pod ka respective minus-one tracks para sa DJ''s karaoke Loving audience.

Ako Lang Ang Nagmahal , mao poy nagsilbi isip the LP''s carrier single.

Ang duha ka kanta sa album nga gikanta niya nga adunay passion mao ang Kahit Na Magkalayo ug It''s Hard To Let Go. Ang iyang adaptation sa Richard Maxx classic, Right Here Waiting for You mamahimong itigi sa orihinal nga version niini.