Nangayo og pasaylo si Rudy ug ang uyab niini busa nagtuo si Rufa nga okay na ang tanan, apan nakugang nalang siya tungod kay nagpadala og e-mail ang basketbolista ug mihulga nga ibutyag ang tanang detalye sa ilang kagahapon. Suma pa nga daghan pang mga masakit nga pulong nga gibuhian si Rudy sa maong e-mail apan wala na modetalye pa si Rufa.
Nagkabuwag si Rudy ug Rufa Mae dihang midesisyon si Rudy nga talikdan na ang basketball career ug mobalik na lang sa Michigan kung diin padayunon niya ang pag-eskwela sa kagustuhan nga tumanon ang iyang ambisyon nga mamahimong usa ka bombero.
Karong mibalik na si Rudy ug active na usab sa basketball isip player sa Barangay Ginebra, adunay pamati si Rufa Mae nga nasuya ang ex-boyfriend sa exposure nga naangkon karon sa kauban niini sa Philippine Basketball Association (PBA) nga si James Yap sa Purefoods tungod sa pagkalambigit sa pangalan niini sa kanhi receptionist sa Belo Medical Clinic nga si Hope Centeno mao nang mihimo pod ug eksena si Rudy.
Nasakitan ug naguol karon ang sexy actress kay wala man lang girespeto ni Rudy ang unom ka tuig nga ilang relasyon.