Pelikula nila ni Juday ug Jolens sugdan

Madayon gyud ang pelikula nga bitoonan nila ni Judy Ann Santos ug Jolina Magdangal nga co-production venture sa GMA Films ug Viva Films. Horror film ang project ug si Topel Lee, usa sa mga directors sa Shake Rattle and Roll 8, ang mogunit niini.

"Quijada Board" ang title sa movie diin sa ikatulong semana sa Pebrero naka-schedule ang first shooting day ug adunay mga eksenang adto himoon sa Camiguin Island sa Mindanao.

Apil sa cast sila si Iza Calzado sa GMA Artist Center ug silang Mark Bautista ug Desiree del Valle sa Viva Entertainment. Gipaabot nga duna pay madugang hangtud nga dili pa magsugod ang shooting.

Dili kini mao ang unang higayon nga magkauban sa usa ka pelikula silang Juday ug Jolens. Mahinumdumang una silang nagkauban sa Gimik: The Movie niadtong 1996 ug sa Gimik: The Reunion niadtong 1999, bisan guest lang si Juday sa ulahi.