Erich third party sa Lino-Biaca break-up?

Sa milabay nga mga semana nabaniog nga hagbay ra nga nagbuwag sila si Bianca Gonzales ug Direk Lino Cayetano ug gani gitugtan sa naulahi ang dalaga nga maoy mobalita sa mga sakop sa media kalabot sa tinuod nila nga sitwasyon.

Wala matino ang tinuod nga rason sa maong break-up ug gituohan lang nga ang kontrobersyal nga panagsuod nila ni Bianca ug Zanjoe Marudo atol sa Pinoy Big Brother Celebrity Edition mao gyud ang nakaingon.

Kini tungod kay matud pa bisan nahuman na ang PBB, wala na gayud mahibalik pa ang katam-is sa relasyon nila ni Lino ug Bianca. Pwes ang nagtakiang nga relasyon hingpit na nga nalugpo.

Karon nagkakusog ang huhungihong nga ang Star Circle Quest winner nga si Erich Gancayco maoy hinungdan sa panagbuwag nila ni Bianca ug Lino. Suma pa sa mga tinubdan sa Banat Hugyaw, ang panaghigala sa duruha naumol samtang gihimo pa nila ang Cally Lilly.

Si Lino maoy co-director ni Direk Mario Reyes sa maong teleserye ug si Erich apil sa cast.

Ang ilang panahigala matud pa, nibukhad na ngadto sa usa ka espesyal nga relasyon hangtud karon.