LJ Reyes maglisod og duaw ni Alfred

Hayan dili maduaw ni LJ Reyes sa Malaysia ang iyang uyab nga si Alfred Vargas tungod kay busy siya sa taping sa "Makita Ka Lang Muli" ug suma pa ni Manay Lolit basin ang dalaga pa maoy makadelatar sa project kon mamugos gyud siya.

Suma pa ni Manay Lolit, sa November 26, moadto sa Malaysia ang mga ginikanan ni Alfred aron makita usab ang kahimtang sa ilang anak didto nga kasamtangang nag-taping alang sa Now and Forever show sa GMA-7.

Gibutyag ni Manay Lolit nga gipahatud niya sa iyang sinaligan nga si Gorgy Rula ug nakabalik na kini. Tsika pa ni Gorgy nga wala siya maglaay didto kay paminaw niya, mura ra siyag naa siya sa Pilipinas.

Kini tungod kay pong pang Gorgy nga ang mga Tagalog movies gipasalida usab didto sa usa ka telebisyon sa Malaysia. Sa set usab sa taping matud pa daghang unggoy nga maglakaw-lakaw, eksena nga makita ra sa Subic.

Gani matud ni Gorgy nga mahimo ra nga sa Pilipinas ang taping ug ipagawas nga sa Malaysia kini gigama, apan dili buot ang producer nga mangilad.

Derek ug Camille dili managhigala

Dunay buot modaot sa panag-uli sa maayong kabubut-on karon nila ni Angelica Panganiban ug Camille Prats. Kini maoy mga obserbasyon sa showbiz press human migawas ang balita nga nasakpang naghawkanay si Camille Prats ug Derek Ramsey sa usa ka showbiz affair nga ilang gitambongan.

Bag-ohay lang migawas ang taho nga uyab na si Angelica ug Derek busa dali nga nangayo og reaksyon ang PangMasa sa PRO ni Camille, nga igo lamang mikatawa kalabot niini.

Matud sa maong PRO dili tinood ang maong taho, gani nakatawa na lamang si Camille tungod kay suma pa dili sila kaila ni Derek ug si Angelica maoy nagpa-ila-ila nilang duha sa nahisgutang showbiz affair.

Kahinumduman nag-away sila si Camille ug Angelica tungod kay matud pa gipanguyaban sa iyang kanhi uyab nga si Carlo Aquino ang iyang bestfriend nga si Camille.

Ay si Charming!

Special guest sa "Charmee" episode sa "Ay, Robot!" unya sa QTV 11, 7:00 p.m., si Charming, ang anak ni Bakekang. Of course dual role dinhi si Eunice Lagusad tungod kay siya man usab ang nagdala sa papel nga Roda, ang anak ni Douglas (Ogie Alcasid). Nasaag si Charming ug nakit-an ni Douglas.

Dihang giingnan si Roda nga pareho sila og nawong ni Charming nasuko siya ug giaway ang naulahi nga sa kadugayan nahibaw-an nila nga buotan diay.

Kini maoy tema sa sitcom karong gabii sa direksyon ni Al Tantay nga pinasubay sa panultihon nga, "don't judge the book by its cover." 'Sabihin Mo Lang'

Sa ABS-CBN usab karong hapon, it's goodbye time na sa "Star Magic Presents" sa episode nga "Sabihin Mo Lang" with Maja Salvador and Jason Abalos, kauban usab sila si Zanjoe Marudo, Jill Yulo ug Charles Christianson. Sa direksyon ni Joey Reyes, makita kini 5:00 p.m. unya, hulip sa bag-ong youth oriented show nga "Abt Ur Luv."