Japanese food na usab ang gikabuangan ni Judy Ann Santos sa pagkakaron. Saysay pa sa manager ni Juday nga si Alfie Lorenzo, kini tungod kay wala nay lain pang gibuhat si Judai sa pagka-karon, hilabi na nga wala siya'y bag-ong project. Dugang pa nga nakahuman na siya sa culinary arts sa "Café Ysabel", maong matud pa sa manager nga laraw na usab niini nga mu-eskwela og balik aron magkat-on og prepare og Japanese foods.
Tali niini, posibli nga dili madugay I-apil na usab ni Judai ang Japanese food sa menu sa "Kaffe Carabana" hilabi na kung makahibalo na kini.
Samtang padayon gihapon ang bag-o'ng teleserye nga pagabidahan nila ni Judy Ann ug Ryan Agoncillo sa Channel 2 entitled, "Isabella."
Dul-an sa tulo ka semana na usab nga mingawon si Atty. Bebong Munoz sa iyang girlfriend nga si Jolina Magdangal nga mulangyaw karong adlawa para sa iyang series of concert sa lain-lain'g lugar sa Europe. Tungod niini dili na usab sila magkakuyog ni Jolens sa birthday niini karong umaabot nga November 6. Kauban ni Juday alang sa maong mga shows sila si Francis M. ug Rico J. Puno.
Gisungog si Jolens sa PangMasa nganong dili nalang niya ikuyog si Bebong para magkakuyog sila higayon sa iyang birthday, ug matud pang Jolina, dili usab mahimo kay busy man ang iyang boyfriend sa pag-asikaso sa kandidatura niini sa District II sa Caloocan City.