Sa wa pa siya ma artista, buot lang unta niyang makakat-on og martial arts uban sa mga nanagtudlo usab og mga "cinematic" martial arts sa pelikulang binisayang nag-ulohan og "Korak" nga gibitoonan nila ni Chanda Romero ug Romy Rivas.
Apan kay may kaambong man usab nga mahagpat [ug nindot pa kaayong tan-awon ang slim niyang lawas], gipaapil usab siya sa pipila ka mga esena, hasta na sa mga misunod nga mga pelikulang "Batul of Mactan" [diin nasuod niya ang director nga si direk Emmanuel H. Borlaza], nga gibitoonan nilang Chanda Romero, Manjo Martinez [uyoan ni Lucy Torres], Alice Mendez ug anhing Porcing Torrevillas ug anhing Eddie Peregrina , "Gulpi'g Bun-og" nga gibitoonan nila ni anhing Eddie Peregrina, Leila Rosales, Romy Ylaya, Edith Flores [now Looc Bgy. Captain Edith Flores Cabahug] ug uban pa.
Hinoon, wa gyod mahitabo nga nahimong bida si Hercules kay matud pa ni Captain Edith naglisod og package ang mga producers sama kaniya. Ang nabana ni Edith ig-agaw ni Hercules, si Hon. Raul "Pokang" Yuson Cabahug, konsehal sa Mandaue City.
Nagkakauban sila sa season two sa "Tres Metros." Samtang makita si Hon. Edith sa "Milyonaryong Mini" sa ABS-CBN, karon, manday, natiguwang na si Hercules, bida na hinoon sa "Secret Angel" sa CCTN samtang gikatakda usab si Edith nga mahimong bida sa umaabot nga "Rey del Mundo"