Hinoon giklaro ni Rica nga wala siya mahadlok sa tsismis nga "bayot" si Piolo tungod kay 13-years old pa lang siya sa dihang nagsugod sa showbiz ug nakahibaw siya nga dili gyud siya lum-an sa mga intriga. Samtang kabahin sa balita nga mubalhin na siya sa GMA-7 tungod kay dugay-dugay na usab siya nga wala'y contract sa ABS-CBN, walay klaro nga tubag ang aktres ug igo lamang kining miingon nga nindot usab nga makatrabaho sa laing network.
Sa pagkakaron wala pay bag-ong project si Rica sa ABS-CBN apan sa November 18, aduna sila'y concert ni Piolo sa Casino Filipino sa Paranaque.-Maria Daisy S. Hurboda, Correspondent Superstar dunay digi-movie
Siguradong ikahimu-ot gayud sa mga fans ni Nora Aunor ang bag-ong digital film nga gihimo sa Superstar sa San Francisco, ang "Ingrata". Nasayran sa PangMasa nga sa maong lilas si Nora mao si Bea, nga mu-adto sa Amerika aron maluwas ang kahimtang sa iyang pamilya. Pagatuki-tukion usab niini ang pagbaton og utang nga kabubut-on.
Kauban niya si Bernardo Bernardo nga maoy mudala isip iyang igsuon nga si John Robert Porter Jr. a.k.a. John Rendez, nga nahimong asawa niya for convenience para makapuyo siya didto.
Ang maong digi-film ubos sa "Diversified Entertainment and Media Organization" (DEMO) ug gipa-ubos sa direksyon sa US-based Pinoy didto nga si Joey Gonzales gikan sa script ni Bernardo Bernardo. Maka-uban usab nila ang duha ka mga US-based Filipino actresses nga sila si Germaine de Leon ug Andrea Santos. Ipagawas na kini sa SM Cinemas nationwide sugod karong Miyerkules, September 27, para sa "Bantay Bata" program sa ABS-CBN Foundation.