Kini maoy dagan sa istorya sa lilas ni Senador Bong Revilla-"Kapag Tumibok ang Puso-not once but twice," ubos sa Imus Production sa direksyon ni Wenn Deramas ug gikatakda nga moabli na sa mga sinehan lukop nasud ugmang adlawa. Kini ang pelikula nga nahimong kontrobersyal human gibasura ni Gretchen Barreto ang iyang papel isip asawa ni Marco (Bong), nga karon gihatagan og kinabuhi ni Miss International Precious Lara Quigaman. Ang istorya magsugod sa peryehan diin gisuroy ni Marco ang iyang pamilya- Sarah (Lara) ug duha nila ka mga anak Sabrina (Inah Revilla) ug Marky. Gibuhat kini ni Marco aron puy-an ang iyang responsibilidad ngadto sa pamilya nga nahilayo kaniya og pito ka tuig human siya nanarbaho didto sa Egypt. Apan didto sa peryehan dunay aksidente nga nahitabo nga mikutlo sa kinabuhi ni Sarah.
Apan sa wala pa siya hingpit nga nabugtuan sa iyang gininhawa didto sa usa ka ospital, nakahimo pa si Sarah pagpadayag nga ihatag ang iyang kasingkasing ngadto sa usa ka babaye nga nagtinga na niadtong panahona nga nahimutang sa lawak nga tupad sa kang Sarah. Ang maong babaye mao si Love (Ai-ai delas Alas), salbahis ug hakog nga babaye. Samtang ang nagbangutan nga si Marco, nangita sa babaye nga nga nakadawat sa kasing kasing sa iyang asawa.
Unsay nagpaabot nila ni Marco ug Love? Dinhi magsugod ang mga kataw-an ug puno sa aksyon nga mga eksena kauban nila ni Bong ug Ai-ai, duyog usab sa suporta nila ni , Kiray, Eugene Dominggo, Deejay Durana, Ketchup Eusebio ug Janelle Jamer. Pwes, atangi!