Dennis Trillo midako ang ulo?

Feeling sikat ug dili na daw mahimong ilisdan o kasuk-an sa GMA 7 si Dennis Trillo hinungdan nga wala kini siya mananghid sa Siyete nga pwede modawat og project sa laing estasyon.

Mahinumduman mi-pirma og kontrata si Dennis sa laing estasyon para sa Voltes 5. Matud pa ni Dennis nga iyang tingog lang ang gigamit sa maong anime cartoon series ug dugang rason niya nga bisan dili pa siya mananghid sa iyang home studio, makasabot kini susama sa gibuhat ni Angel Locsin kaniadto.

Nagtu-o si Deniis nga dili siya makasab-an o ma-suspended sa GMA 7 kinsa maoy nagsalbar sa iyang showbiz career diin kaniadto nag-ober da bakod siya sa GMA 7 gikan sa Dos.

* * *

Pinaka-busy na siguro karong panahona ang child actress nga si Ella Guevara. Kini kay nagkalain-lain ang iyang shows sa GMA-7. Apil na niini ang Encantadia, Love To Love: Season 10 ug Now And Forever Presents Duyan.

Bisan dili si Ella ang nakadaog sa Starstruck Kids, nahatagan gihapon siya og maayong proyekto sa GMA 7.

Tungod niini, padayon ang intriga batok kaniya sa Starstruck Kids winner nga si Sam Bumatay. Pero dali lang kining mikatawa ug miingon nga "friends lang kami ni Sam."

"Bida naman po si Sam sa Ay Robot. Tapos nasa Majika rin siya. Kaya busy rin po siya," matud pa ni Ella.

Pero ang nakabilib aning Ella mao ang puro hilak-hilak ang iyang mga eksena sa tulo ka TV shows. Matud pa sa insider sa GMA 7 nga dili daw mahutdan og luha si Ella kay kahibalo man kini mo-internalize sa iyang papel.

Sa pagkakaron, ang pinakalisod niyang show mao ang Now And Forever Presents Duyan tungod kay daghan daw ang hilak-hilak kay sa Encantadia ug Love To Love.