Angelika naghilas-hilas lang

Dili i-ban sa QTV-27 ang prince of R&B Jay-R human sa perwisyo nga nahitabo atol sa usa unta ka taping diin ang nahisgutan maoy guest alang sa MMS.

Kahinumduman nga nabalita na dinhi sa Banat Hugyaw nga gitimbang-timbang pa sa management sa QTV kung ila pa bang kuhaon ang serbisyo ni Jay-R human wala siya mulugwa sa nahisgutan nga taping.

Apan usa ka staff sa QTV ang mitawag sa PangMasa ug miklaro nga dili banned si Jay-R sanglit nahilot ra ang problema ug okay na ang relasyon tali nila ug sa kampo sa singer.

"It was nobody's fault." Nagkakaroon lang ng miscommunication. Hindi lang nagkaintindihan kaya nagkaroon ng problema. Nakakahiya nga sa manager ni Jay-R kasi very cooperative naman sila. Yun nga lang nagkaroon ng problema na hindi naman sinasadya," pong pa sa nahisgutan nga staff.

* * *

Dunay usa ka bayot nga reporter nga gisapot gumikan sa mga taho nga nagnilabad si Angelika dela Cruz pinaagi sa pagpa-presyo una kini midawat og kontrabida role.

Ang reporter nga gisapot personal nga nanawag sa PangMasa aron ipahungaw ang iyang kalagot bahin sa "kaartehan" ni Angelika diin matud pa niya walay angay ang nahisgutan nga magpapresyo sanglit dili na siya pareha og pangidaron nila ni Jennylyn Mercado ug Nadine Samonte.

Matud sa reporter nanubra ang ka-arte ni Angelika ug wala siya makauyon nganong mibungat pa ang nahisgutan og mga kondisyones una misugot nga mag-kontrabida kang Sarah Geronimo alang sa remake sa "Bituing Walang Ningning" nga ipasalida unya sa ABS-CBN.

"Kasi naman hindi niya naabot ang mga narating na ni Sarah Geronimo, 'no!Imagine, si Sarah nagbibida na kaagad, eh siya tumanda na siya pero wala nang gustong kumuha kaya hindi niya ma-take na kontrabida na lang siya. Naku, wake up kasi 'yan talaga ang bagsak mo or else mag-quit ka na lang ng showbiz," dugay wayway pa sa gay reporter.

* * *

Labihan ang pag-diet karon sa action star nga si Rudy Fernandez isip pagpangandam sa iyang importanteng role isip boxing coach sa "The Manny Pacquio."

Dugay na gyud diay nga gisaaran sa FLT Films si Rudy nga maoy hatagan sa maong role gani giplitehan pa siya sa producer nga si Rose Flaminiano aron nilawas mga makita ang nakalabay nga away ni Pacman ug Erik Morales didto sa Las Vegas.

Birthday ni Rudy ugmang adlawa.