Matud pa nga ang basehanan sa maong awards mao ang resulta sa box office sa mga pelikula nga gisalida sa nakalabay nga tuig, halin sa mga record albums ug ang gibug-aton sa pagdayeg sa mga fans sa higayon nga mahimamat nila ang ilang mga idolo.
Nasayran nga gitago pa sa mga organizers ang resulta sa maong awards sanglit sunud bulan pa ang pormal nga announcement. Apan ang maabtik nga kolumnista sa PangMasa nga si Manay Lolit Solis nakauna na og kuha sa kompletong listahan sa mga nagpakadaug aron atong masaw-an.
Una na nga gibalita dinhi sa Banat Hugyaw kagahapon nga daghan ang nangyam-id tungod kay si Kristine Hermosa ang nahimo nga box office queen bisan og "Enteng Kabisote" lang ang iyang lilas last year.
Si Vic Sotto ang box office king pinaagi usab sa kita nga nahipos sa "Enteng Kabisote."