Karon isip sakop sa malambuon nga Sparkle Modeling Agency nga nagbase sa Paradise Village Banilad dakbayan sa Mandaue si Dionne anaa na sa unang ang-ang sa kurso nga Mass Communication sa University of the Philippines-Cebu. Kanhi estudyante siya sa University of San Jose Recoletos sa mao gihapon niya nga kurso apan tungod kay damgo niya nga mahimong " iskolar ng bayan" misugal siya pagtapon sa UP bisan pa man og gipabalik siya sa uno. Dali ug mas ila-ilahon pa nato si Dionne og maayo.
Hugyaw: Kinsay nag-aghat nimo nga mosulod sa showbiz?
Dionne: When I was 16-years old ang programang "Sabado na Gyud" (SNG) nangita og host, busa mi-apply ko. Kalooy sa Ginoo out of 200 applicants ako ray nakuha. Pero wala ko gipa-host dayon ila una kong gipasayaw hangtud nga nakit-an ko sa mga taga drama gipaapil ko sa "For Life." Hangtud nga nahimo kung bida sa "Love Game" ug nagsunod sunod na tanan.
Hugyaw: Kinsa man usab ang nag-aghat nimo nga moapil og mga beauty pageant?
Dionne: Bata pa ko ganahan usab ko moapil og mga beauty pageant. When I was four years old nagpalista ko sa beauty contest nga pangbata sa amo-a sa Consolacion. Kaniadto pa mahiligon na kaayo ko nga motan-aw og mga beauty pageant ug fashion show.
Hugyaw: Nganong misulod man usab ka karon pagka-modelo?
Dionne: Kanhi freelance ko nga modelo. Mas ganahan ko nga naay agency nga mogunit nako hinungdan nga mi-apply ko diri sa Sparkle Modeling Agency. Sa una ramp model ko sa Bunny Jeans ug sa lokal nga designer nga si Bernardo Flores dihang 16 years old pa lang ko.
Hugyaw: Unsa nga mga beauty pageants ang imo na nga naapilan?
Dionne: I joined "Miss Compostela 2002" ug swerte kaayo ko kay akoy nakadaug bisan og first timer. Akoy napiling "Binibining Compostela 2002", napili usab kong first runner-up sa "Miss Danao 2002", "Miss Consolacion 2004" ug first runner-up sa "Miss Avon 2005".
Hugyaw: Duna kay plano nga moapil og mga higher competition sa mga beuty pageant?
Dionne: Sa pagkakaron not really tungod kay pang-experience lang akong kanhi pag-apil sa mga beauty pageant. Dili sab ko pwedeng makaapil og mga national beauty pageant tungod sa akong height kay aduna lang koy gitas-on nga 5' 3.
Hugyaw: Gawas sa pag-artista ug modeling unsa pay lain nimong gikalingawan?
Dionne: Naa koy gi-organize nga event for summer nga among gitawag og "Big Al's" bike feast 2006 para sa mahiligon sa pagbisekleta dinhi sa Sugbo. Karon busy usab ko sa "Tingog sa Consolacion " back to back with 'Idle 'Lacion" usa ka weekly talent show ug usa ka talent search kinsa usa ko sa host sa maong programa kada Sabado.
Hugyaw: Lets talk about your love life, kumusta man?
Dionne: I was 18 years old dihang nagsugod ko og pakig relasyon, it was my first real love. But now I'm with someone else who goes by the name Don Mantilla. Usa siya ka estudyante sa University of Southern Philippines sa kursong geodetic engineering.
Hugyaw: Diin man mo nagkakita ni Don?
Dionne: Nagkakita mi ni Don sa gipahigayong Mr. & Miss Consolacion pageant diin siya maoy napili nga Mr. Consolacion 2005 3rd runner-up.
Hugyaw: Kabahin sa imong first love pila ka tuig miluntad ang inyong relasyon?
Dionne: Nagbuwag mi dili tungod kay duna mi dakong giawayan.Na realized lang namo nga were growing apart and we out nga dili nami magkasinabot sa pipila ka mga aspeto sa among relasyon. But we remain friends hangtud karon.
Hugyaw: Kumusta na karon ang inyong relasyon ni Don?
Dionne: I have to say nga happy gyud kaayo ko kay duna siya'y taas nga respeto nako ug sa akong pamilya. Labihan gyud niya ka mapinanggaon-hatod ug kuha ko niya sa tunghaan ug kanunay ming magdungan sa pagpaniudto.
Hugyaw: Unsa nga mga hiyas Ang imong gipangita sa usa ka lalaki nga buot nimong maoy mahimong kapikas sa imong kinabuhi pag-abot sa panahon?
Dionne: Nakahinumdom ko sa sulti ni Allie Mcbeal nga " it's funny how we said the qualification of the right person which we truly love will always be an exception." Pero sa akong kaugali ngon, I won't be pretentious and say nga "looks don't matter to me", of course ako usab nga huna-hunaon kung unsay mahimong hitsura sa among mga anak. Wala ko mangita og pareha og hitsura sa artista pero kanang presentable lang parehas ni Don diin usa usab ka lalaki nga makamaong mo respeto. Ang "respeto" maoy usa ka importanteng butang para kanako.
Hugyaw: Si Don na ba ang imong gipasabot nga ideal man?
Dionne: Absolutely, absolutely!
Hugyaw: Mi-propose na ba si Don?
Dionne: Wala ko kahibalo kung proposal na ba ang iyang paghatag og sing-sing nako, basta sa pagkakaron ang among plano pagtapos una sa among pagtuon diin ako gustong mag-journalist ug si Don gustong mag-engineer.
Hugyaw: Pwede nimong ihulagway ang imong kaugalingon in one word?
Dionne: "Unique" tungod kay matud pa sa akong bestfriend bisan og unsa ka lisod ang akong gi-agian na maintain gihapon nako ang akong "composure" ug nagpabilin gihapon kung natural bisan sa mga kalisdanan ug mga pagsuway nga akong nasinati.