Angel balik telebisyon dayon

Walay pahuway ang young star nga si Angel Locsin sanglit human sa showing sa Valentine offering nila ni Richard nga "I Will Always Love You" balik telebisyon na usab siya alang sa usa ka fantaserye.

Ang tsika sa atong ka-Hugyaw nga si Nora Calderon, kolumnista sa Pang Masa mao nga si Dennis Trillo ang leading man ni Angel alang sa serye nga pagaulohan og 'Salamangka" nga ipakita unya diha sa GMA-7.

Hugyaw tsika pa ni Nora mao nga dili kinahanglan nga biyaan ni Dennis ang fantaserye nga "Etheria" diin duna siyay importante nga papel sanglit usa lang ka season o tulo lang ka buwan ang 'Salamangka."

Mahug og reunion ang 'Salamangka" sanglit gawas nga magkauban sila si Dennis ug Angel, si Direk Eric Quizon gihapon ang mogunit niini nga una nilang gikakuyog sa "Darna."

Ang "Salamangka" mao unyay ihulip sa Starstruck Batch 3 busa posibli nga sa Abril pa kini masalida sanglit ang nahisgutan nga reality based artista search kutob pa man sa buwan sa Marso.

Karon pang semanaha ang gikatakda nga story conference sa maong serye busa dili pa tin-aw unsay dagan sa estorya niini.

* * *

Samtang dugang Hugyaw nga yawyaw ni Nora mao nga posibli nga sa katapusang semana pa ang pilot episode sa umaabot nga show ni Megastar Sharon Cuneta sa ABS-CBN.

Ang tinubdan niining maong taho mao mismo si direk Joey Reyes kinsa maoy in-charge sa creative group alang sa maong show nga sa pagkakaron nagdumili pa pagbutyag sa title sa mao unyang pasundayag.

Matud pa nga dili pa diay sigurado ang "Sundays With Sharon" sanglit wala pa nila matino unsa ang timeslot niini tungod kay false alarm diay ang hagawhaw nga ibalhin og laing adlaw ang show ni Korina Sanchez nga Rated K.

Miingon si direk Joey nga dili kini tinood sanglit dili angayan nga ibalhin si Korina og laing adlaw tungod kay maayo ang rating niini.

* * *

Sa laing hugyaw tsika ni kolumnistang Nora mao nga naa sa waiting list si Kris Aquino sa usa ka kompaniya sa awto sanglit nagtinguha kini nga mopalit og bag-o nga sakyanan nga jeep type apan mercedes benz model aron igasa sa iyang uyab nga si James Yap.

Wala na ibutyag ni Nora pilay presyo niini tungod kay pong pa niya basin makuyapan ang makabasa gumikan sa ka mahal niini. -RM