Suma pa sa source ni Salve Asis, editor sa Pang Masa, nga nagproblema ang young star tungod kay nahug og "sugar mommy" ang iyang inahan diin matud pa wala kini duha-duha nga igasto ang kinitaan ni Bea.
Giingong naglabad karon ang ulo ni Bea tungod kay hinay-hinay na nga nahurot ang iyang hinaguan ug matud pa dili niya madala og istorya ang iyang inahan sanglit nabuang kini karon og maayo sa batan-on nga ulitawo.
Nasayran nga taod-taod na nga nahagawhaw nga si Bea ang hinungdan nganong nagpakamatay ang usa ka assistant lady director ning bag-o lang sanglit matud pa napakyas kini sa iyang pagbati ngadto sa young star.
Apan matud pa sa source ni Salve Asis walay kabalaka si Bea kalabot sa maong isyu tungud kay wala man gyud sila magkarelasyon ug wala usab kini niya hatagi og motibo nga duna kini mapaabot gikan kaniya.
Gidugang sa source nga nasayod si John Lloyd niining tanan sanglit ang naulahi pa maoy nisulti sa young star kalabot sa maong issue ug mao kini hinungdan nganong nagkasuod sila og maayo.