Gipa-iwit si Boyet

Mi-text si Ricky Davao ug nagpahibawo nga Enero na ang playdate sa ilang pelikulang "Nasaan Si Francis" ug nanghinaot siyang maapil gihapon siya sa grupo nga mag-promote sa labing awahing offering sa Unitel Films, ang kompaniya nga naghimo sa "Crying Ladies," "Santa Santita," "La Visa Loca," ug uban pa. Niining tanang pelikula, apil gyod si Ricky, apan sa promo lang sa "Crying Ladies," nga nagkita mi si Ricky, kay lain na man ang nag-promo sa uban ug wa ko apila pagdapit sa presscon.

Usa sa mitampo og puhonan sa "Nasaan Si Francis" mao si Boyet kon Christopher de Leon, ug maapil kini sa Metro Manila Film Festival, apan sama sa nangagi, gilain ang pipila ka mga entries alang sa Disyembre, ug ang "Nasaan..." giadto sa Enero. Tungod niini, may nakapangutana kon ang mga officers karon sa MMFF wa na bay salig kang Boyet, nganong gipaawit na man ang iyang pelikula.