Giasoy ni Paolo nga priority ni Mylene ang makabalhin na sila og puyo ngadto sa Estados Unidos busa kinahanglan nga single ang status sa aktres aron sayon ra kini nga I-petisyon.
Hinuon niingon si Paolo nga walay problema ang ilang relasyon ni Mylene tungod kay nagkasinabot sila gawas nga malingaw ra usab siya sa ilang anak nga ginganlan og Tomas Miguel.
Gani gipanghambog ni Paolo nga maantigo na siya mutaog og diaper kang Miguel diin kon magdungan nga duna silay commitment ni Mylene adto nila ang bata ibilin sa mga ginikanan ni Paolo.
Sa bahin ni Mylene, namahayag kini nga dili importante ang kasal tungod kay sama ra kini og nipirma sa usa ka kasabutan nga mahimong dili sundon.
Matud pa niya nga ang importante mao nga nagkasinabtanay og nagkahigugmaay ang duha ka mga binuhat bisan og dili kasado ug matud pa niya kini nga level sa ilang relasyon ni Paolo ang iyang mapaniguro sa pagkakaron.