Angel way pagmahay sa Darna role

Ang kasal sa igsuon ni Bong Revilla morag nagsilbing reunion sa mga girls nga na-link sa action star. Present sa okasyon sila si Gretchen Barretto ug Rufa Mae Quinto. Pero wala si Dina Bonnevie.

Ang sis ni Bong nga si Andeng maoy na-tsismis nga ex-girlfriend ni Diether Ocampo pero never nga gi-confirm sa misis na karon ni Jun Ynares.

* * *

Way problema sa marriage ni Jay Manalo ug sa iyang non-showbiz wife. Matud ni Jay, bilib siya sa iyang misis kay never gyud nga moreklamo sa panahon nga iyang ihatag sa iyang mga anak (sa lain-laing babaye), siya pa usahay ang tig-remind sa mga tuition fees sa mga bata nga kinahanglan niyang bayran. Usa ni sa mga rason nganong going straight na karon si Jay. Dako kaayog kausaban niya ug nagpasalamat siya sa iyang misis.

* * *

Way pagmahay si Angel Locsin sa pagdawat niya sa Darna role. Bisan grabe ang antos sa taping, fulfilled ang feeling sa gitawag ni Celia Rodriguez nga the sexiest Darna. Bisan ang direktor nga si Eric Quizon, very proud nga part siya sa usa ka bonggang telefantaserye.