Sheryn duna nay foundation

Little voices foundation- kini ang ngalan sa foundation nga gilusad sa garbo sa Carcar nga si Sheryn Regis niadtong Sabado didto sa Cinema 10 sa SM Megamall atol sa ika 25 nga kasumaran sa iyang adlaw'ng natawhan.

Bongga ang birthday celebration ni Sheryn sanglit inay mogastos og maayo alang sa usa ka engrande nga selebrasyon mas gipili niini ang mopahigayon og mini-concert uban ang mga bata nga uyamot.

Mokapin sa 600 ka mga tseketing gikan sa Sagip Bata, Bantay Bata 163 ug Bata Foundation ang gipakaon ni Sheryn ug gihatagan og mga gift packs pagkahuman.

Puro pang bata ang gikanta ni Sheryn ug naka costume pa kini isip sirena sa dihang iyang giawit ang "Under the sea" ug "Part of your world" samtang naka-hunchback attire kini while singing the theme song of Kampanerang Kuba.

Gikauban usab ni Sheryn ang iyang two year old daughter nga si Sweatie atol sa iyang Disney medley diin ang bata giseninaan og sama ni Snow white.

Dili matukib ang kalipay nga gibati ni Sheryn niadtong mga gutloa ilabi na kong mosinggit ang mga bata og " I love Sheryn" diin wa gyud niya kapugngi ang makahilak tungod sa kahimoot nga nagmalampuson ang iyang proyekto.

Nisuporta kang Sheryn ang uban nga mga talents sa ABS-CBN sama nila ni Divo Bayer, Jerome Sala, Frenchie Dy, Rachelle Ann Go ug Erik Santos.