Makinilya gihapo'y gigamit ni Ricky Lo

Niadtong Press Freedom Week nga gisaulog sa mga sakop sa media, mianhi si Ricky Lo, usa ka beteranong showbiz journalist, aron mopahigayon og usa ka lecture alang sa mga local showbiz reporters. Na-report na sa pipila ka mga showbiz reporters ang maong kalihokan apan daw walay nakapangutana kaniya kon unsa ka high tech ang iyang opisina sa Philippine Star ug sa iyang opisina sa sulod sa iyang panimalay, apan ang tubag niya sa usa ka reporter nga nangutana kaniya sa usa ka linaing pagpakighinabi, miingon si Ricky Lo nga hangtod karon, ug ubay ubay na siyang napalit niini, makinilya gihapon ang iyang gigamit, labi na kon dunay deadline, tungod kay mas kusog siyang mo-type sa makinilya sa mag-type siya sa computer, ug labaw sa tanan, may daghang motunga sa iyang alimpatakan kon moggamit lang siya og typewriter.

Dili kuno siya mahimong itandi nilang Alfie Lorenzo ug uban pang mga entertainment writers nga grabe na ka sosyal ang dating kay siya, nag-abang pa sa iyang gipuy-an karon samtang ang uban, duna na gani mga mansion. Dili hinuon siya makasulti kon giunsa niini nila pagka kuwarta nga managsama ra man silang mga entertainment journalists.