Kristine Hermosa, gusto nang mosagpa

Dili na lang kono angayang intrigahon pa sila si Heart Evangelista nga karon, romantically linked na gyod ni Jericho Rosales, kay bisa'g giangkon niyang gianugonan sad siya nga dili siya maoy nahimong leading lady ni Jericho sa "Panday" managhigala na lang gyod sila si Jericho, ug nalipay na siyang may bag-o siyang proyekto, ang "Gulong Ng Palad" lain na pod kono kining nga challenge alang kaniya, apan naghandom usab siya nga mahatagan siya sa higayon nga siya na sad ang managpa kay gusto na gyod siya nga siya na sa'y mosagpa sa mga leading ladies. Ang gusto niya, nga hatagan siya sa role nga sama sa mga role ni Cherie Gil.

Hinuon, madugay dugay pa gyod tingali kining mahitabo tungod kay, bisan sa giplano karon sa Star Cinema nga mag-reunite kaniya, ug kang Jericho, daw mag-drama lang gihapon siya. Ayohon na lang kono niya ang iyang acting, matud pa ni Kristine Hermosa. Giangkon niya nga ang mga panghitabo sa iyang kinabuhi nakapukaw kaniya ang kamatuoran nga dunay kinabuhi human sa kagubot, ug may moabot nga kalinaw kon malabang ang mga pagsulay, ug nailhan niya ang tinuod niyang mga higala, busa, mapasalamaton siya ni Lord sa mga kasinatian nga nakapalig-on, butang nga mas importante kay sa kwarta ug pagka inila.