Masilakong kaliwat

Samtang wa moabot ang ilang mga numbers, ang ubang mga talents, og pipila ka mga dumuduong sa "Halad sa Kapamilya" niadtong Domingo nga buot magpahimulos sa mga serbisyo nga gitanyag sa pipila ka mga sectors pinaagi sa ABS-CBN, didto una magpaabot sa kan-anan (outdoor restaurant) nga gipanag-iya nila ni Larry ug Nening Caparida ang ginikanan ni Rio Caparida (kadtong na front sa Banat News dili pa dugay).

Ang maong kan-anan gitawag kaniadto og "Anak-Sugbo" pasidungog sa grupo ni Rio kanhi nga Anak-Sugbo. Kini, sa wa pa mabungkag ang grupo.

Samtang namahuway ang pipila ka mga tawo, og pipila usab, nag-snack, may naglingaw usab kanila, si Shandee Hafil, ang 7 anyos nga anak ni Sahjid Hafil nga kauban namo kanhi sa "Si Goot da Wanderpol" "Agta sa Paril," ug Boyoyoy da Wanderboy." Nindot og tingog ug maayong mo-perform si Shandee ug matud pa ni Mrs. Nening Caparida, nindot og kaugmaon labi na kay may hitsura usab. Ang inahan ni Shandee, si Shantal, mestisa Amerikana samtang si Sahjid, mestiso Arabo ug ang inahan ni Sahjid mestisa katsila nga Zamboangueña.