Ang young star nga si Maja Salvador kinsa maoy nitak-op sa month-long 12th anniversary celebration sa Gaisano Country mall niadtong October 31 kauban si Rayver Cruz mipalutaw sa posibilidad nga masumpayan pa ang "Spirits".
Gitug-an ni Maja sa Banat Entertainment nga padayon pa nga gihulma ni Direk Chito ang script alang sa sumpay sa "Spirits" busa dili pa matino kon sa pelikula ba kini mahitabo o sa telebisyon lang gihapon.
She said next month pa mahibaw-an unsay mahimong kaugmaon sa "Spirits" nga nanamilit nga taas kaayo ang rating og gikabuangan pag-ayo ilabi na sa mga batan-on.
Ang "Spirits" maoy nipasikat sa love triangle nila ni Maja, Rayver ug John Wayne Sace ug nakapahimo usab nga popular sa kantang "You'll be safe Here" by Rivermaya.
Kasaysayan kini sa mga batan-on nga dunay mga special powers nga nanimpad pagkaplag sa tinood nga kahulugan sa pagkinabuhi dinhi sa kalibutan.