Paborito ni Sharon Cuneta si Angel Locsin. Sa usa ka interview sa megastar, daghan kuno siyag nadungog bahin sa maayong batasan sa young actress. Bilib sad siya sa professionalism ni Angel ug wish niyang himuong model kini sa ubang young stars.
Ang makeup artist nga si Fanny Serrano maoy nag-estorya sa megastar nga si Angel bisan sikat na, wa gyud mausab ang batasan.
Ni-admit si Aiko Melendez nga buwag na sila sa boyfriend niyang si Jonard pero di niya i-reveal ang reason ngano. Di kuno siya mosulti og ngil-ad bahin sa ex niyang singer. Ambot lang sad kuno kung tinuod nga si Iya Villania na ang new love ini.
Looy ang bold star nga si Via Veloso. Matud pa niya, kay wa siyay trabaho karon, nagpalayo niya ang iyang pamilya. Wa na siya makakita sa anak niyang si Jacob for three months na. Naa sa Lola ang bata.
Usa si Via sa mga flawless nga mga sexy stars nga nagsunod-sunod ang projects pero after siya nanganak nitambok na siya. Naturally, kay paseksi ang linya niya, nawagtang sad ang mga offers. Wish niya nga matagaan unta siyag chance nga makabalik sa showbiz.
Morag way paki si Gretchen Barretto sa kasal sa estranged sister niyang si Claudine Barretto. Wa kuno siyay nadawat nga wedding invitation ug wa siya kahibaw kung duna bay mohatag niya ini.
Wa gitago-tago sa former ST Queen nga padayon pa ang gap sa ilang pamilya pero di na siya motubag sa uban pang pangutana kay gikapoy na siya.
Kung mo-enter sa showbiz ang Miss International nga si Precious Lara Quigaman, si Dennis Trillo ang gusto niyang leading man. Of course, proud ang award winning actor nga siya ang napilian.
Sa karon, loveless siya ug wa say panahon manguyab tungod sa TV shows niyang "Darna" ug "Now and Forever." Duna sad siyay two movies, ang "Mulawin" ug "Blue Moon."
Mahilig sa beauty queen si Dennis. Usa ka beauty queen ang ex-girlfriend niya.
Si Cindy Kurleto maoy leading lady ni Vic Sotto sa "Ispiritista" pero way tsismis nga duna silay relasyon. lahi ni kay pirme lang ma-link ang komedyante sa iyang mga leading ladies.
Wa gitago ni Vic nga si Pia Cabreira ang iyang current girlfriend ug dugay-dugay na sila. Very young si Pia, maguwang lang gamay sa eldest daughter ni Vic nga si Danica Sotto.
Plano nang mo-migrate sa America si April Boy Regino kauban ang iyang pamilya. Pero, ingon pa sa singer, basin ihatod lang niya ang iyang asawa ug mga anak unya mobalik siya dinhi para ipadayon ang iyang singing career.