Nag-invest si Christopher

Usa na sa mga producers si Christopher de Leon sa umaabot niyang pelikula alang sa Unitel, ang bag-ong kompaniya nga naghimo sa "Crying Ladies," "Santa Santita", ug sa "La Visa Loca". Dili pa dugay gipasundayag dinhi ang "La Visa Loca" ang pelikula nga usa usab si Sharon Cuneta sa mga investors ug gibitoonan nila ni Robin Padilla ug Rufa Mae Quinto.

Ang bag-ong pelikula sa Unitel may tentative nga ulohang "Nasaan Si Francis" ug gawas kang Christopher, usa usab sa artista mao ang bida sa "Pusang Gala" nga si Ricky Davao. Gani, si Ricky Davao maoy nagsugilon niini kanato ug kauban nila sa maong pelikula sila si Angel Jacob ug Angel Aquino ug may espesyal nga participation si Jackielou Blanco.

Katapusang pelikula nilang Ricky Davao ug Jackielou isip bida mao ang "Lumuhod Ka sa Lupa" sa Seiko Films.