Sa maong lilas si Ricky usa ka bayot diin ka live in niini si Lauren ug siyempre isip dunay relasyon duna silay torrid kissing sa shower og duna usay bed scene.
Kini ang unang higayon nga makighawok siya sa iyang masig ka lalaki og ang tanan naggumikan kay nindot ang papel nga iyang gidala og gikinahanglan gyud sa istorya ang mao niyang mga esena.
Kini ang unang pelikula ni Lauren lumad nga taga Bicol kinsa mas naila isip ramp and commercial model human siya midaog sa Body Shots niadtong 2001.
Atol sa presscon alang sa nahisgutang pelikula didto sa Roma Mia pizza sa SM-Cebu niadtong Sabado niangkon si Lauren nga wala siya'y plano nga mag-artista og ang tanan aksidente lang nga niabot sa iyang kinabuhi.
Siya mas naila isip endorser sa Colt-45 apan gidasig siya sa iyang manager pagsalmot sa audition alang sa "Pusang Gala" usa ka digital film nga maoy latest offering sa MLR films nga ipasalida na karong Miyerkules.
Suma pa niya suerte nga siya maoy napili isip leading man ni Ricky busa iyang gibuga ang tanan og gituman ang gitudlo sa direktor kaniya tungod kay dili basta-basta ang maong role tungod kay matud pa daghan ang nangandoy nga maoy modala niini.
'Tama daw yong role sa akin. Pinaghirapan ko talaga to. Siyempre pa mga beterano ang kasama mo dito kaya hindi dapat mapahiya. Mahirap talaga siyang gawin kaya ibinigay ko na lahat kasi this will make me or break me daw," nagkanayon si Lauren.
Wala makawang ang iyang kahago gumikan kay matud pa sa beteranong si Ricky, eight in a scale of ten ang iyang ihatag nga grado kang Lauren kung acting ang hisgutan gumikan kay natural kaayo kini nga daw normal ra ang tanan alang kaniya.
"Wala siyang effort eh, kung ano ang hinihingi ng direktor yon na yon. So far as his acting in this film is concerned he passed with flying colors," suma pa ni Ricky.