Kasal ni Gary, Cherrie Pie all set na

Gitakda na unta kadto ang kasal nila ni Cherrie Pie Picache ug sa boyfriend niya nga si Gary Oledan. Apan naoktaba ang maong kasal gumikan sa wala kaayo ikapasabot nga hinungdan. Apan karon mahinayon na gayod kuno ang ilang kasal.

Matud pa sa manager ni Cherrie Pie nga si Ed Instrella, ipahigayon gayod ang kasal nilang Cherrie Pie ug Gary karong tuiga. Nangandam na kuno ang duha alang sa ilang grand wedding.May mga kakulian lang kunong midangat hinungdan nga wala mahinayon ang kasal nila ni Cherrie Pie ug Gary sa nahaunang petsa nga gikatakda.

Mao kini ang hinungdan nga kanunay nang makita si Cherrie Pie karon nga malipayon tungod kay matuman na man gayod ang iyang pangandoy nga makasul-ob og trahe de boda. Kanunay usab nga mobisita si Gary ngadto ni Cherrie Pie ug ingon man sa ilang anak. Excited kuno silang duha nga nagpaabot sa adlaw sa ilang kasal.