Tungod niini walay laing gitumbok nga instrumento sa maong positibo nga kalambuan si Valerie kundili ang milagroso nga bata sa Sugbu nga si Senor Santo Niño.
Sanglit human sa iyang pagbisita didto sa Basilica mga duha na ka semana ang nilabay naregaluhan dayon siya og maayong projects sa iyang pagbalik sa kauluhan.
Si Valerie maoy guest sa three day weekend sale promo sa Gaisano Main og Gaisano Countrymall sa pagtapos sa bulan sa Hulyo hinungdan nga nahiabot siya dinhi sa Sugbu sa labing unang higayon.
Busa giseguro sa inahan ni Valerie nga si Mommy Mayette nga makabisita sila sa Basilica isip pagpasalamat og gumikan kay matud pa niya dili maayo nga unahon ang suroy-suroy kaysa simbahan.
Tuod man wala makawang ang tanan gumikan kay usa ka kasaligang tinubdan nibutyag sa Banat Entertainment nga regular na karon nga makita si Valerie sa duha ka programa sa GMA-7 nga mao ang Love to Love og Now & Forever.
Gawas pa niana, si Valerie na ang latest endorser alang sa usa ka fastfood chain kansang commercial ipasundayag sa telebisyon sa ikaduhang semana ning bulana.
Suma pa nga in demand na usab si Valerie sa mga out of town shows didto sa kauluhan samtang nagkahayag usab ang posibilidad nga malakip siya sa usa ka pelikula sa Regal Films alang sa Metro Manila Film Festival karong umaabot nga Disyembre.