Ara di aprub ni Kempee

Ara Mina dili pabor sa pagpanguyab ni Kempee de Leon ngadto ni Christine Reyes nga iyang igsoon. Gibutyag ni Ara nga dili siya aprub ni Kimpoy ilabi na nga nakarelasyon niya kini kaniadto.

Kahinumdoman nga si Ara ug Kimpoy adunay relasyon dihang kauban pa ang duha sa "That's Entertainment".

Apan karon si Kimpoy nangulitawo sa manghud ni Ara nga si Christine.

Gikataho nga niadtong Sabado sa gabii nag-date si Kimpoy ug Christine.

Matud pa ni Ara nga layo kaayo ang age gap ni Kimpoy ug sa iyang manghud.

Diin si Kimpoy 32 anyos na og si Christine 16 anyos pa lang ug basin moabot ang panahon nga dili lang unya magkasabot ang duha.

Si Ara midugang nga isip maguwang ni Christine wala siya magkuwang sa paghatag og pahimangno niini.