Dear Dr. Love,
Before anything else, I would like to greet you a Merry Christmas and a Happy New Year.
Tawagin n’yo na lamang akong Annie, taga-Bulakan.
Gusto ko lang pong humingi ng payo sa problema ko. Sa ngayon po, 8 months na po kami ng boyfriend ko pero hindi po open sa parents ko ‘yung relationship namin.
Mahal ko po siya at alam ko na in the future, siya na po ang gusto kong makasama habang buhay. Pero paano po ang gagawin ko kung lahat ay against sa relasyon namin especially my family? Sana po ay matulungan ninyo ko.
Truly,
Annie of Bulacan
Dear Annie,
Wala kang sinabing dahilan kung bakit tutol ang mga paryentes mo sa iyong relasyon sa kasalukuyan mong kasintahan. Baka naman may mabigat na dahilan kung bakit ganoon ang situwasyon.
Alam mo, ang ikinukonsidera lagi ng magulang sa usapin ng pag-aasawa ng anak ay ang magiging kinabukasan ng kanilang anak sa kanilang magiging kabiyak.
Tanong ko, naniniwala ka bang magiging maganda ang future mo sa boyfriend mo? Hindi kaya siya iresponsable o may pangit na record sa pulisya?
Isipin mo rin. Ang pag-ibig ay hindi puro dikta ng puso lang. Dapat kang maging matalino at gaano mo man kamahal ang isang tao, hindi lang future mo ang nakataya kundi ang future ng mga magiging anak mo.
Dr. Love