Dear Dr. Love,
Magandang araw sa iyo, Dr. Love. Sana’y nasa mabuti kang kalagayan. Payuhan mo ako sa aking problema.
Seventeen years na kaming mag-asawa at hindi ko magawang iwan ang husband ko. Dahil mahal na mahal ko siya. Ang problema ko sa husband ko ay isa siyang babaero. Limang beses na niyang ginawa. Tatlong babae ang mga anak namin.
Sana payuhan mo ako kung anong gagawin ko sa problema ko Dr. Love. Hanggang dito na lang. Asahan ko ang payo mo. Salamat.
Libra Girl
Dear Libra Girl,
Very common ang problema mo. Sabi ng iba, talagang ganyan daw ang kalikasan ng lalaki: Babaero. Maling kaisipan ito. Babae man o lalaki ang mangaliwa ay parehong kasalanan iyan at hindi dapat kunsintihin.
Pero may mga dahilan kung bakit nangangaliwa ang asawa. Ikaw ba’y nag-aayos ng sarili para mabango ka pagdating ng mister mo? Malambing ka ba sa kanya? Kung oo, dapat kayong mag-usap para malinawan mo kung ano ang inaayawan niya sa iyo.
Mahalaga ang komunikasyon sa mag-asawa para makapag-adjust sa isa’t isa.
Dr. Love
(Para sa mga nagnanais na lumiham kay Dr. Love, ipadala ito sa DR. LOVE c/o PSN Libangan 202 Roberto S. Oca corner Railroad Sts. Port Area, Manila. Maaari rin mag-email sa psnlibangan@philstar.net.ph.)