I hope that you are in the best of health sa pagtanggap mo ng sulat ko. Just call me Sandy, 18 years-old at nasa second year college. Kumukuha ako ng Chemical Engineering dahil iyan ang gusto para sa akin ng aking mga magulang.
I have a boyfriend. Siya ay 35 years-old at isang successful businessman na nagbebenta ng mga second hand cars. Mayaman siya at stable.
Ang gusto niya’y magpakasal na kami. Ayaw na niya akong magpatuloy ng pag-aaral. Magse-serve na lang daw ako bilang executive secretary niya at pagtulungan ang aming negosyo pag nakasal na kami.
Ayaw ng aking mga magulang ang proposal ng boyfriend ko. Pero sabi ng boyfriend ko, mamili daw ako. Siya o ang aking mga magulang. Mahal ko ang boyfriend ko pero natatakot din akong maitakwil ng mga parents ko. Ano ang aking gagawin?
Sandy
Dear Sandy,
Sabagay maganda ang intensyon ng boyfriend mo. In that situation, mabuti siguro kung mag-usap-usap kayo. Ikaw, ang mga magulang mo at ang iyong boyfriend. Maaaring makagawa kayo ng happy compromise.
Marahil ang ibig ng parents mo ay makatapos ka ng pag-aaral. Baka naman puwedeng kahit makasal kayo’y maipagpatuloy mo ang iyong schooling. Depende iyan sa mapagkakasunduan.
I’m sure madaraan ang problema mo sa magandang usapan.
Dr. Love