Gusto kitang sulatan

>Dear Dr. Love,

Hi! Kumusta po kayo? Sana, nasa mabuti kayong kalagayan.

Una po, nagpapasalamat ako sa inyong malaganap na column na siyang naging daan para makatanggap ako ng liham mula sa isang Myrna Dominguez.

Pero ang kahilingan ko po, sana ay muli ninyong mailathala ang liham ko dahil gusto ko mang sagutin ang sulat ni Myrna, wala naman siyang ibinigay na address.

Gusto ko po sanang maging kaibigan siya sa panulat.

Lubos po akong umaasa na hindi ninyo bibiguin ang pabor na hinihingi ko.

Thanks and more power to you.

God bless you always and take care of yourself.

Gumagalang at nagpapasalamat,

Danny H. Salvador Jr.


Dorm 237, Medium Security Compound,

Camp Sampaguita, Muntinlupa City

1776


Dear Danny,


Muli, salamat sa liham mo at patuloy na pagtangkilik sa aming pahayagan at Dr. Love.

Sana po, mabasa ito ni Myrna at masulatan ka niya uli.

Hindi ba sinasadya ang hindi niya pagkakaloob ng address?

Hangad namin ang patuloy na pagkakaroon mo ng magandang pananaw sa buhay sa kabila ng kasalukuyan mong kalagayan.

Keep up the good work at sana, mapaaga ang paglaya mo.

Dr. Love

Show comments