Just call me Lyn of Taguig, 18 years-old. I have a boyfriend. Just call him Mr. Virgo, 22 years-old.
Nagsasama na po kami at sa mga magulang niya kami nakatira. Driver po siya at ako naman ay sa bahay lang. Kung minsan ay sumasama ako sa kanya sa pagbibiyahe.
Nine months na po kaming nagsasama pero hindi ako mabuntis. Gusto na po kasi naming magka-baby.
Dati akong G.R.O. sa isang bar sa Taguig. Noon, tuwing iihi ako, para bang gusto ko pang umihi pero wala nang lumalabas sa puwerta ko. At may lumalabas na liquid sa puwerta ko. Hindi ko alam kung nahawahan na ako ng mga lalaking naka-sex ko noon. Hindi kaya may STD na ako?
Pagpayuhan po sana ninyo ako kung ano ang dapat kong gawin. Thanks and God bless.Lubos na gumagalang at umaasa,
Lyn
Dear Lyn,
Mas makabubuting kumonsulta ka nang personal sa isang espesyalista. Dapat ding kumonsulta ang iyong partner dahil kung may STD ka, malamang na mayroon na rin siya.
Hangga’t maaga ay dapat malunasan ang anumang karamdamang taglay mo. Mabuti nga at di pa kayo nagkaanak dahil malamang na ito'y mahawa kung totoong may sakit ka.
Dr. Love