Tawagin na lamang po ninyo akong Ms. Capricorn. Bago pa lamang po ako sa Maynila at wala po akong kaalam-alam dito. Ang boyfriend ko ay nasa probinsiya. Lagi po akong sumusulat sa kanya pero hindi siya nagrerespond.
Hanggang ngayon ay mahal ko pa rin siya at hindi siya nawawala sa isipan ko. Lagi ko siyang napapanaginipan. Pilit ko na siyang binubura sa aking isipan pero hindi ko kaya.
Dapat ko na po ba siyang kalimutan o ituloy ko pa rin ang pagmamahal ko sa kanya kahit malayo kami sa isa’t isa. Siya po ay 23 years-old at ako ay 18 years-old.
Gusto ko rin po sanang magkaroon ng mga bagong kaibigan. Sana po ay sulatan nila ako sa 211-B Recolletos st., Urdaneta Village, Makati City 1225.
Aasahan ko po ang inyong payo.Lubos na gumagalang,
Ms. Capricorn
Dear Ms. Capricorn,
Alamin mo muna ang dahilan kung bakit hindi sumasagot sa iyong mga sulat ang boyfriend mo. Hindi kaya lumipat na siya ng tirahan kaya hindi niya natatanggap ang mga sulat mo?
Kung sa kabila ng mga aksiyon mong ito ay hindi pa rin siya sumasagot, sa palagay ko it’s about time na kalimutan mo na siya. Go on with your life. Masakit ito sa una pero walang sugat na di naghihilom. Matatagpuan mo rin ang lalaking magiging tunay mong kapalaran.
Dr. Love