Nganong babaye man ang nag kupot
Nianang sundang ug timbangan?
May kusog ba kaha siya sa pagpugong?
Kung dili ma balanse, delikado nga mahagbong.
Ay, hustisya,usahay makalibog;
may kaso nga wala gyud magsibog...
Matu-is, usahay dili mapatas...
Mahulog,ang walay sala sa karsel moligdas.
Nganong way taming, aron ikasagang
Sa hampak unya sa mga tampilasan?
Mao nga usahay, makalolooy ang way kwarta.
Nagpaturagas og hampak, kay lagi may taptap ang mata.
Gibista, gihusay, gitimbang timbang...
Mosuway kaha kog tayhop nianang abog sa katarungang?
Aron, ang nagkapyot sa habig sa katarong
Sa kahitas-an,ang ilang pasalamat mag- alirong.
Apan sa balak ipatik ang mga pangindahay,
nga unta, ang timbangan balansi kanunay.
Aron ang imong tinabunang mata ug suwab.
Modut unta, ug sa makasasala molugtab.