Sayo sa buntag kaldero ang duolon
Aron mag lung-ag sa amo unyang kan-on
Bisan tuod siya katugon
Mo mata lang jud og sayo para sa mga buhatunon.
Dugay ko nang nakita ang iyang kahago
Giatiman gayod mi niya hangtod sa among pagdako
Ang kwarta dili gani kaigo
Para ibayad sa tanang nabuhat niya kanamo.
Sa tambag wala gayod siya nagkuwang
Kay kini tungod ug alang lang gyud sa among kaayuhan
Permi gayod ni nakong gitiman-an
Aron dili mahisalaag ang akong dalan
Ang akong inahan labaw gayod sa nga tanan
Busa, angay lang gayod nga siya pasidunggan
Tungod kay siya nahisama sa usa ka bulawan
Nga angay gayod mahalon ug ampingan
Mao’ng karon siya akong gihimong inspirasyon
Aron sa pagtungha ako magmalampuson
Dili ug dili gayod nako siya pakyason
Aron dakung kalipay iya unyang maangkon