Giunsa pagturok ang usa ka liso?
“Tungod sa gugma!”ang mahigugmaong kamot
Mipalanog.
Tungod ba sa gugma nahimugso ang kalibutan?
“O!” matud sa kalibutan ug mga mahigugmaon sa
Kalikupan.
Ang bata sa iyang sabakan sa gugma sad ba nahiugmad?
“O!” ug “Dili!” matod pa sa gamay’ng panon.
Kita makapamalandong nga ang gugma mas
Importante,
Susama sa init ug uwan nga sa tanom gikahinaman.
Kung ang akong gugma diha nimo pabayloa’g diyamanti’g
Salapi,
Wala na lang unta nagsugat ang atong dalan.
“O, tinuod kana pinangga ko”, matud mo,
Gugma ang makatunhay sa atong pagpuyo.
Dili kabayloan og butang nga iya sa kalibutan,
Ug kita mag-inunungay hangtud sa kahangturan.