Magsuwat ko, ug sa di madugay
ang mga pulong manglupad.
Kini modasdas padulong sa panganod,
makig-indig sa usa ka tabanog.
Susihon sa akong tinipigan nga tingog ang mga suok sa hangin.
Ug ang matag titik magpahungaw
makiglumba sa mga langgam.
Apan dinhi sa yuta ang sumpay sa mga pulong
gahikot gihapon sa balhibo sa dagang.
Ug sa kataposan naa ra pod nako kun
hain ug kanus-a ko kini ipalabyog sa hangin.