MANILA, Philippines (UPDATED 3:55 p.m.) — Nagsalita na ang Bangko Sentral ng Pilipinas (BSP) patungkol sa isyu ng diumano'y apat na ghost employees sa kanilang tanggapan, ito habang inililinaw na nagbitiw ang ilan sa kanila matapos ang imbestigasyon.
Kamakailan lang kasi nang lumabas ang naturang balita tungkol sa mga nasabing empleyado na nakatatanggap diumano ng sweldo't bonus. Ang isa sa kanila ay ipinagmalaki pa diumano ang nakukuhang pera "kahit walang ginagawang trabaho."
"In October 2023, the Office of the General Counsel triggered an investigation after receiving credible information that several staffers in the offices of two MB members had not been reporting for work for extended periods of time but were nonetheless receiving their salaries," sabi ng BSP sa isang pahayag ngayong Martes.
"The irregularities appear unprecedented in an organization that upholds integrity and professionalism at all levels. The BSP remains committed to upholding that."
Disyembre nang makuha ng Office of the General Counsel ang inisyal na ulat patungkol sa imbestigasyon at inutusan ang investigating team na ipagpatuloy ang malalimang pagsisiyasat.
Pagsapit ng Enero, sinumite ng naturang team ang final investigation report. Dito na natukoy ang apat na empleyado at dalawa sa kanilang immediate supervisors.
"Administrative disciplinary cases were filed in March before effectivity of their separation," dagdag pa ng BSP.
"As BSP has stated since the first media reports on the issue on May 10, because the administrative disciplinary proceedings are ongoing, further information about them may be confidential."
"From late February to early March, four of the employees and one direct supervisor implicated in the report tendered their resignation. Administrative disciplinary cases were filed in March before effectivity of their separation."
Inilinaw ng BSP sa panayam ng Philstar.com na ang dalawa sa supervisors ay pumapasok naman at hindi gaya ng apat na nabanggit.
Umaasa ang opisinang malilinaw nito ang isyu, habang tinitiyak na mapananagot ang mga mapatutunayang nagkasala.
Naninindigan naman ang BSP na tumatakbo nang "normal" ang Monetary Board matapos ang insidente. Nagpapatuloy din naman daw ang 7-member board na magsilbi basta't maabot ang 4-member quorum, habang 5 miyembro naman ang kailangan para sa paggawad ng emergency loans.
Gayunpaman, tali ang kamay ng BSP sa pagsasalita tungkol sa ilang detalye kaugnay ng Monetary Board members dahil itinalaga sila ng presidente ng Republika ng Pilipinas.
Una nang sinabi ni dating BSP governor Benjamin Diokno na hindi kailanman naging politicized ang naturang tanggapan lalo na noong kanyang termino.
Collapse